Teri Ik Chashm e Rehmat Se

Teri ik chashm-e-rahmat se tira bimar behtar hai Hazaron tibbi nuskho se nigah-e-yaar behtar hai

Jagah mil jaye gar paposh gah-e-yaar mein mujh ko Khusha yeh masnad-e-taoos se sad baar behtar hai

Shehanshahi se barh kar hai teri paposh bardari Sikandar se tira ik khadim-e-darbar behtar hai

Tere lehje ka zer-o-bam hai dilkash aabsharon se Gulistan se teri guftar ka gulzar behtar hai

Diya hai husn-e-kul ne husn aisa teri surat ko Ke deed-e-husn-e-Yusuf ؑ se tira deedar behtar hai

Maqam-o-martaba sari khudai se mere Aaqa ﷺ Tira is paar behtar hai, tira us paar behtar hai

Mere Aaqa ﷺ se khushbu khuld ki yun arz karti hai Har ik khushbu se tere jism ki mehkar behtar hai

Tere shirin sukhan se phool jharte hain fasahat ke Jinhein chun kar fasahat ka hua mayaar behtar hai

Stop Wasting Storage - Download Lyrics in Lightweight Text Format!

Habib-e-Kibriya ﷺ ke ishq ko dil mein makin kar le Muqaddar aalameen mein gar tujhe darkaar behtar hai

Khula hai ayyukum misli se yeh uqda Nadeem Akhtar Har ik behtar se zaat-e-Haq ka woh shahkar behtar hai