Sar e Mehfil Karam Itna Meri Sarkar Ho Jaye

سرِ محفل کرم اتنا میری سرکار ہو جاۓ نگاہیں منتظررہ جائیں اور دیدار ہو جاۓ

تصور میں ترے ہرشےپہ یوں نظریں جماتا ہوں نہ جانے کون سی شے میں تیرا دیدار ہو جاۓ

غلامِ مصطفیٰ بن کر میں بک جاؤں مدینے میں محمد ﷺ نام پر سودا سرِ بازار ہو جاۓ

سنبھل کر پاؤں رکھنا حاجیوں شہرِ مدینہ میں کہیں ایسا نہ ہو سارا سفر بیکار ہو جاۓ

فنا اتنا تو ہو جاؤں میں تری ذاتِ عالی میں جو مجھ کو دیکھ لے اس کو ترا دیدار ہو جاۓ

تجھے منظور ہے پردہ مجھے پاسِ ادب ورنہ میں جب چاہوں جہاں چاہوں ترا دیدار ہو جاۓ

حبیبؔ اس حال سے ابتر بھی حالِ زار ہو جاۓ جو ہونا ہو سو ہو جاۓ مگر دیدار ہو جاۓ