Phir Madine Ki Galiyon Mein

Phir Madine ki galiyon mein ae Kirdgar Kash pahunchun main rota hua zaar zaar

Never Be Without Your Favorite Lyrics - Get the App for Offline Access!

Kash aa kar Madine mein parwana-war Sabz gumbad pe ho jaaun Aaqa nisar

Maal-o-daulat ke anbaar beshak na do Bas muqaddar mein likh do Madine ke khaar

Saqiya jaam aisa pila do mujhe Baad-e-murdan bhi utre na jis ka khumar

Choomta rehta na’lain, Sarkar ke Kash hota main Taiba ka gard-o-ghubar

Aa gaya Hajj ka mausam qareeb aa gaya Mujh pe bhi ho karam mere Parwardigar

Sindh ke baagh aankhon mein jachte nahi Ab dikha do Arab ke haseen regsār

Hum sabhi un ke darbar-e-durbar mein Jaayenge InshaAllah zaroor ek baar

Az tufail-e-Bilal-o-Uwais-o-Raza Do dil-e-beqaraar aankh do ashkbar

Mujh ko aalam-e-dunya se azaad kar Main tere gham mein roun Shaha zaar zaar

Aap ka naam sunte hi Sarkar kash Dil machalne lage jaan ho beqaraar

Mera seena Madina bana dijiye Qalb ki ho Madina Madina pukaar

Gir paro un ke qadmon mein rote hue Aasiyon par bhi un ko to aata hai pyaar

Ab to aajaiye mujh ko chudwaiye Har taraf se gunahon ka houn main shikaar

Mere Aaqa! sirhane chale aaiye Jaan balab kab talak ab kare intezar

Meri aamad ho Taiba mein ae kash yun Chaak seena ho daaman bhi ho taar-taar

Bhaiyo, behno apnao tum sunnatein Khush ho Rabb tum se raazi Shah-e-Namdar

Maut badkaar ko aaye Taiba mein phir Ho Baqi-e-Mubarak mein is ka mazaar

Ya Khuda be-sabab baksh Attar ko Is ko jannat mein de de Nabi ka jawaar