Mustafa Ka Karam Ho Gya

Mustafa ka karam hogaya hai, dil khushi se mira jhoomta hai Izn phir haziri ka mila hai, qafila su-e-Taibah chala hai

Kuch ka waqt ab aachuka hai, qafila phir Madine chala hai Munh dikhaunga kis tarah unko, paas husn-e-amal mere kya hai!

Main Madine ke qabil nahi hoon, bas Nabi ne karam kardiya hai Bojh isyan ka sar par dhara hai, bas gunahon ka hi silsila hai

Lootne ko bahar-e-Madinah, choomne ko ghubar-e-Madinah Izn se Tajdar-e-Madinah, tera tera gada chal pada hai

Multaji tujh se hai ik kamina, mangta hai yeh qufl-e-Madinah De ke deedo isay istiqamat, past himmat yeh kam hosala hai

Su-e-Taibah safar karne walo, lab pe qufl-e-Madinah lagalo Aankh sharm-o-haya se jhalalo, bas isi mein tumhara bhala hai

Haziri ko mile chand lamhay baj gaye kuch ke aah! dankay Hai ajab wasl-o-furqat ka sangam, hijr ke gham mein dil ro raha hai

Sayyidi Mustafa jaan-e-rahmat! kijiye mujh pe chashm-e-inayat Door hojaye dil ki qasawat ( ) tujh ko Siddiq ka wasta hai

Ya Nabi! mujrim aaye huay hain, baar-e-isyan uthaye huay hain Aas tujh par lagaye huay hain, teri rahmat hi ka aasra hai

Main ne jab bhi ibadat ka socha, nafs ne foran us dam dabocha Nekiyon ka nahi silsila kuch, bas gunahon mein hi dil phansa hai

Hai hawas maal ki, qalb bhatka, har nafas hi hai bas hub-e-dunya Apni ulfat ka saghar pilado, Ya Habib-e-Khuda iltija hai

Hub-e-dunya-e-murdar dil mein, karchuki ghar hai Sarkar dil mein Tum jo aajao dildar dil mein, bas tali dil se phir yeh bala hai

Instant Access to Thousands of Lyrics - Tap to Install!

Ya Nabi! aap ke ashiqon ko, aap ki deed ke talibon ko Apna jalwa dikhadijiye na, in bicharon ko arman bada hai

Umr Attar baawan baras ki, hai hawas tujh ko dunya ki phir bhi Ab tu jee jee ke kitna jiyega, waqt-e-rihlat qareeb aachuka hai

Qafila ’’Chal Madinah‘‘ ka aaqa, chal pada janib-e-Taibah Maula Tere ush-shaq ke peeche peeche, tera Attar bhi aaraha hai