Mujhe Madine Ki Do Ijazat

Mujhe Madine ki do ijazat, Nabi-e-Rahmat Shafi-e-Ummat

Pilaao bulwa ke jaam-e-ulfat, Nabi-e-Rahmat Shafi-e-Ummat

Agar nahin meri aisi qismat, Sada huzoori ki paaun lazzat Rulaaye mujh ko tumhari furqat, Nabi-e-Rahmat Shafi-e-Ummat

Ata ho mujh ko gham-e-Madinah, Tapaan jigar chaak chaak seenah Barhay mohabbat ki khoob shiddat, Nabi-e-Rahmat Shafi-e-Ummat

Lagaao seenay mein aag aisi, Qaraar paaye na dil kabhi bhi Rulaaye har dam tumhari ulfat, Nabi-e-Rahmat Shafi-e-Ummat

Main naam par tere waari jaaun, Main ishq mein tere ghar lutaaoon Milay woh jazba milay woh himmat, Nabi-e-Rahmat Shafi-e-Ummat

Husain ibn-e-Ali ka sadqa, Hamare Ghous-e-Jali ka sadqa Ata Madinay mein ho shahadat, Nabi-e-Rahmat Shafi-e-Ummat

Har ik Nabi har Wali ka sadqa, Tujhe teri har gali ka sadqa De Taiba mein marne ki sa'adat, Nabi-e-Rahmat Shafi-e-Ummat

Imam Ahmad Raza ka sadqa, Hamare murshid Zia ka sadqa Baqi-e-Gharqad karo inayat, Nabi-e-Rahmat Shafi-e-Ummat

Waseela Khulafa-e-Rashideen ka, Tamam as-haab o tabieen ka Jawaar-e-Jannat mein ho inayat, Nabi-e-Rahmat Shafi-e-Ummat

Why Screenshot When You Can Download? Get the App for Efficient Storage!

Mujhe tum aisi do himmat Aaqa, Doon sab ko neki ki dawat Aaqa Banado mujh ko bhi naik khaslat, Nabi-e-Rahmat Shafi-e-Ummat

Qaleel rozi pe do qana'at, Fuzool goi se de do nafrat Durood parhta rahoon bakasrat Nabi-e-Rahmat Shafi-e-Ummat

Gunah ke daldal se ab nikalo, Mujhe sambhalo mujhe bachalo Kahin na ho jaaun Shah! ghaarat, Nabi-e-Rahmat Shafi-e-Ummat

Banado sabr o raza ka paikar, Banoon khush-akhlaq aisa sarwar Rahay sada narm hi tabiyat, Nabi-e-Rahmat Shafi-e-Ummat

Na ho ata is ko maal o daulat, Na deeje Attar ko hukoomat Yeh tera talib hai jaan-e-Rahmat, Nabi-e-Rahmat Shafi-e-Ummat