Mujh Pe Chashm e Shifa Kijiye

Mujh pe chashm-e-shifa kijiye Door baar-e-gunah kijiye

Aah! Isiyan ki tughyaniyan Ab madad nakhuda kijiye

Ho gaya qalb hai siyah Lutf noor-e-Khuda kijiye

Koshishon se bhi chhutte nahi In gunahon ka kya kijiye

Haaye! Isiyan ne todi kamar Kuch mira, Mustafa kijiye

Maal ke jaal mein phans gaya Mujh ko Aaqa riha kijiye

Baar-e-isiyan tale dab gaya Aap aa kar khada kijiye

Dard-e-isiyan se mujh ko shifa Ae masiha! Ata kijiye

Qalb patthar se bhi sakht hai Is ko narmi ata kijiye

Charagar chhod kar chal diye Charah-e-la dawa kijiye

Jagmaga dije qalb-e-siyah Lutf Badru-Duja kijiye

Ab gunahon ki aadat chhute Chashm-e-rehmat shaha! kijiye

Ab karam su-e-khasta jigar Shah-e-arz-o-sama kijiye

Chand chira tha jun, su-e-dil Ik ishara zara kijiye

Hubb-e-dunya ki masti suwar Ho gayi kuch mira kijiye

Chashm-e-rehmat Habib-e-Khuda Su-e-be-dast-o-pa kijiye

Ya Nabi! Aap hi kuch ilaaj Nafs-o-shaitan ka kijiye

Raah bhoola chhuta karwan Rehbari rehnuma kijiye

Offline Lyrics Anytime, Anywhere - Download the App Today!

Deen par istiqamat ata Az tufail-e-Raza kijiye

Misl-e-bismil tadapta rahoon Dard aisa ata kijiye

Sunnaton ki baharein Ata Ya Habib-e-Khuda kijiye

Bhaiyo! Gar sukoon chahiye Sunnaton par chala kijiye

Deen ke waste deke waqt Aakhirat ka bhala kijiye

Sunnatain seekhne ke liye Qafilon mein chala kijiye

Chahte ho ke raazi ho Rabb Mustafa ka kaha kijiye

Un ki yaadon mein kho jaiye Mustafa Mustafa kijiye

Mujh ko Aaqa ata apna ishq Aur khauf-e-Khuda kijiye

Ahl-e-imaan ko fashion se paak Kijiye Mustafa kijiye Ho khazan door aaye bahaar Dil ka gulshan hara kijiye

Kaash! Attar ki maghfirat Ho karam sarwara kijiye