Mudat Se Mere Dil Mein

Muddat se mere dil mein hai arman-e-Madinah Rauze pe bula lijiye Sultan-e-Madinah

Ae kash! pahunch ke dar-e-janan-e-Madinah Ho jaaun main sau jaan se qurban-e-Madinah

Aate hain muqaddar ke Sikandar tere dar par Be-izn ho kaise koi mehman-e-Madinah

Aag aisi laga dijiye qalb aur jigar mein Rota rahoon tarpaa karoon ae jaan-e-Madinah

Gulzar yahan ke ise achhe nahin lagte Aankhon mein samaye hain biyaban-e-Madinah

Ab Sindh ke jangal mein mera jee nahin lagta Bas mujh ko bula lije gulistan-e-Madinah

Duniya ke nazare hamen ik aankh na bhayen Nazron mein basen kash! biyaban-e-Madinah

London koi Japan chala maal kamane Deewana chala su-e-biyaban-e-Madinah

Duniya ka koi shahr ho kis tarah mumasil? Jab khuld-e-bareen bhi nahin hum shan-e-Madinah

Kar dijiye deedar se aankhen meri thandi Ae jaan-e-jahan Sayyid-o-Sultan-e-Madinah

Ae kash! muballigh main banoon deen-e-mubeen ka Sarkar! karam az-pay-e-Hassan-e-Madinah

Instant Access to Thousands of Lyrics - Tap to Install!

Qadmon mein bula lijiye badkar ko Aaqa Aur is ko bana lijiye mehman-e-Madinah

Attar ko daulat na hukumat ki talab hai De dijiye Baqi us ko to Sultan-e-Madinah