Meri Mandi Zaat Nabi Ji

میری مندی ذات نبیؐ جی کیسے کہوں میں نعت نبیؐ جی

روشن دن اب نکلے ناہیں جیون کالی رات نبیؐ جی

دل میں بھانبھڑ ہجروں والا آنکھوں میں برسات نبیؐ جی

چاروں جانب خوف کے پہرے قیدی میری ذات نبیؐ جی

چھین لیے ہیں کس نے مجھ سے میرے قلم دوات نبیؐ جی

جیت کے بھی میں ہار گئی ہوں کیسی ہے یہ مات نبیؐ جی

میرے اندر بیٹھ کے کوئی روتا ہے دن رات نبیؐ جی

سُکھ کے دن اب لاگیں مجھ کو پچھلی شب کی بات نبیؐ جی

ساری عمر کا حاصل مقصد طیبہ کی اک رات نبیؐ جی

شہرِ دعا میں حرفِ تمنا لائی اپنے ساتھ نبیؐ جی

حاضری کو خود چل کرآیا رستہ میرے ساتھ نبیؐ جی

زرد بلا موسم ہے ہر سو سوکھے میرے پات نبیؐ جی

خشکی کے موسم میں اتری بارش جیسی نعت نبیؐ جی

Your Lyrics, Even Offline - Install the App for Free!

حرفوں کے یہ موتی چن کر لائی میں سوغات نبیؐ جی