Maula e Kainat Ki Be Kas Nawazian

مولاۓ کائنات کی بے کس نوازیاں اس نے مزاج فقر کو دیں بے نیازیاں

تاثیرِ التفاتِ رسولؐ انام دیکھ فکرِ عجم میں ہے تب و تاب حجازیاں

میدانِ بدر ہو کہ مصافِ حنین ہو اس کی نظر ہے قوتِ بازوۓ غازیاں

Why Screenshot When You Can Download? Get the App for Efficient Storage!

افکار مصطفیٰؐ سے فروغ حیات ہے باقی تمام فلسفہ کی شیشہ بازیاں

جنت کو انتظار ورود رسولؐ ہے اس کے نقوش پا سے ہیں مینو طرازیاں

طائف کے سبزہ زار سے آنکھوں کو دے سکوں پھر یاد کر حضورؐ کی وہ جاں گدازیاں

درگاہ میں قبول ثنا سے ہے یہ مراد دارین میں فقر ملیں سرفرازیاں