Marhaba Aaj Chalein Ge

Marhaba aaj chalenge Shah-e-Abrar ke paas InshaAllah pahunch jayenge Sarkar ke paas

Pesh karne ke liye kuch nahi badkaar ke paas Dheron isiyan hain gunahgaron ke sardar ke paas

Mil chuka izn, mubarak ho Madine ka safar Qafle walo chalo chalte hain Sarkar ke paas

Khoob ro ro ke wahan gham ka fasana kehna Ghamzado aao chalo Ahmad-e-Mukhtar ke paas

Main gunahgar gunahon ke siwa kya lata Nekiyan hoti hain Sarkar nikokar ke paas

Sar bhi kham aankh bhi nam, sharm se pani pani Kya kare nazr nahi kuch bhi gunahgar ke paas

Aankh jab Gumbad-e-Khazra ka nazara karle Dam nikal jaye mera aap ki deewar ke paas

Arsa-e-Hashr mein jab rota bilakta dekha Rahm khate hue daud aaye woh badkaar ke paas

Mujrimo! itna bhi ghabrao na Mahshar mein tum Mil ke chalte hain sabhi apne madadgar ke paas

Dono aalam ki bhalai ka sawali ban kar Ik bhikhari hai khada aap ke darbar ke paas

Shah-e-wala yeh Madine ka bane deewana Ik bhikhari hai khada aap ke darbar ke paas

Apna gham chashm-e-nam aur riqqat-e-qalbi dije Ik bhikhari hai khada aap ke darbar ke paas

Ulfat-e-Nab mile aur dil-e-betab mile Ik bhikhari hai khada aap ke darbar ke paas

Husn-e-akhlaq mile bheek mein ikhlas mile Ik bhikhari hai khada aap ke darbar ke paas

Azpaye Ghaus-o-Raza "Qufle Madina" mil jaye Ik bhikhari hai khada aap ke darbar ke paas

Istiqamat ise imaan pe ata kar dije Ik bhikhari hai khada aap ke darbar ke paas

Instant Access to Thousands of Lyrics - Tap to Install!

Hai Madine mein shahadat ka yeh mangta Maula Ik bhikhari hai khada aap ke darbar ke paas

Qabr-o-Mahshar mein aman ka hai talabgar Huzoor Ik bhikhari hai khada aap ke darbar ke paas

Naar-e-dozakh se rihayi ka mile parwana Ik bhikhari hai khada aap ke darbar ke paas

Is ko jannat mein jawar apna ata ho Data Ik bhikhari hai khada aap ke darbar ke paas

Aap se aap hi ka hai yeh sawali Aaqa Ik bhikhari hai khada aap ke darbar ke paas

Qabr mein yun hi Nakiro! nahi aaya un ki Hai ghulami ki sanad dekh lo Attar ke paas