Main Taliyan Nabi Diyan Chumda

میں تلیاں نبی ﷺ دیاں چُمدا جے میں ہُندا خاک مدینے دی میں رہواں مَل مَل بہنداجے میں ہندا خاک مدینے دی

میں لیندا نام محمد ﷺ دا نالے تکدا شان محمد ﷺ دا میں قدماں دے وچ رہندا جے میں ہندا خاک مدینے دی

جدوں سوہنا ﷺ قدم ٹکاندا سی میرا سینہ لِپھدا جاندا سی میں پُھلاں وانگوں کھڑدا جے میں خاک مدینے دی

میں ایسی کرنی کر جاندا ویہڑے طیبہ دے وڑ جاندا اوہدے جوڑیاں دے نال رہندا جے میں خاک مدینے دی

میرے نبی ﷺ قرآن سُناندے سن چُپ بیٹھ صحابہ سن دے سن میں وی گلاں نبی دیاں سن دا جے میں خاک مدینے دی

جتھے میرے نبی ﷺ دا پسینہ پیا اوتھے بوٹا گلاب داسی اُگیا کدی میں وی قسمت پاؤندا جے میں ہندا خاک مدینے دی