We've added ads to help keep the platform running and improving for you. Learn More
میں خلد چھوڑ کے تیری گلی قبول کروں خدا کرے کہ میں ہر بار ایسی بھول کروں
مرے نصیب جگانے جوتو چلا آۓ میں اپنی جا تیری رہگزرکی دھول کروں
خدا کرے جو مدینے کی حاضری ہونصیب دل و نظر سے طوافِ درِ رسول کروں
تیری ادائیں، وفائیں، عطائیں یاد پڑیں میں تیرے غم میں ہمیشہ جگر ملول کروں
وہ مہ قا جو مجھے اذنِ باریابی دے میں عمر بھرکی نواؤں کا زر وصول کروں
کبھی میں نورؔ جو بازارِ عشق میں پہنچوں میں لاکھ جان کو بھی اک جھلک کا مول کروں
