Main Jis Wele Vii Kurlawan

میں جس ویلے وی کُر لاواں مدینہ سامنے ہووے میں اکھ کھولاں یا سو جاواں مدینہ سامنے ہووے

حیاتی داپتا کی اے کدوں مک جاوے رب جانے جد ہوون آخری ساہواں مدینہ سامنے ہووے

تُو قادر ایں میرے مولا دعا منظور کر میری میں تکنا جس گھڑی چاہواں مدینہ سامنے ہووے

کسےوی شہر وچ ہووے تیرے محفل میرے آقاﷺ میں تیرے گیت جد گاواں مدینہ سامنے ہووے

تُو میری وی میرے مولا ایہہ پوری التجا کردے قبر وچ جس گھڑی جاواں مدینہ سامنے ہووے