We've added ads to help keep the platform running and improving for you. Learn More
ماڑیاں نوں سینے لایا مہربانی سوہنیا گھر بُلا کے خیر پایا مہربانی سوہنیا
میرے جئے وی تے لائق نئی تیرے دربار دے فیر وی اپنا در ویکھایا مہربانی سوہنیا
ساڈے ورگے عاصیاں دا حشر ہونا سی بُرا اپنی کملی وچ لکایا مہربانی سوہنیا
حُب عطاء کیتی اے مینوں اپنی آلِ پاک دی اپنا مدح خواں بنایا مہربانی سوہنیا
جان دے ہوئیاں وی شاہا ساڈے ہر ہر عیب نوں فیر سب تے پردہ پایا مہربانی سوہنیا
مدتاں توں آپ دے آون دی مینوں تانگ سی اجڑی نگری پھیرا پایا مہربانی سوہنیا
در بدر پھرنا سی اجمل بے کس و مجبور نے اپنے قدماں وچ بُلایا مہربانی سوہنیا
