Lab Pe Jab Naat Aa Gayi

لب پہ جب نعت آگئی ہے شاخ جاں بھی مہک اٹھی ہے

آپؐ کی گفتگو میں آکر حرف کو روشنی ملی ہے

خوشبوۓ خاکِ پاۓ اقدس لالہ و گل میں بس رہی ہے

خلد کی راہ، دو جہاں پر انؐ پر ایمان سے کھلی ہے

قصویٰ کا بھی نصیب جاگا آپؐ کی ہم سفر بنی ہے

آگئی بادِ نو بہاری زندگی پھول پھل رہی ہے

رشک سے تھامنا پڑا دل ثور پر جب نظر پڑی ہے

آئینہء دہر میں فروزاں روشنی انؐ کے نام کی ہے

قافلے جا چکے مدینے حسرت اک دل میں رہ گئی ہے