Khawabon Mein Madine Ki

خوابوں میں مدینے کی فضا دیکھنے والا خاطر میں کہاں لاۓ گا رنگِ گل و لالہ

نظروں میں رہے جس کے جمالِ شہِؐ والا اس شخص کی دنیا میں اجالا ہی اجالا

نبیوں میں، وہ بندوں میں، بشر میں جہاں دیکھو افضل سے بھی افضل ہیں، وہ اعلیٰ سے بھی اعلیٰ

روشن ہے ازل سے جو مرے گوشہء دل میں وہ چاند کسی طور نہیں ڈوبنے والا

Why Screenshot When You Can Download? Get the App for Efficient Storage!

دنیا کا طلب گار رہا ہے نہ رہے گا سرکارؐ کے قدموں کے نشاں ڈھونڈنے والا

پابندی احکام خداوندی یہی ہے محبوبؐ خداوند کے احکام بجالا

قدموں سے میں مسرور لپٹ جاؤں، جو مل جاۓ سرکارؐ دو عالم کا کوئی چاہنے والا