Hua Jata Hai Rukhsat Mah e Ramzan

Hua jaata hai rukhsat mah-e-Ramzan Ya RasoolAllah Raha ab chand ghariyon ka yeh mehman Ya RasoolAllah

Khushi ki lehar dori har taraf Ramzan jab aaya Hain ab ranjeeda ranjeeda musalman Ya RasoolAllah

Masarrat hi masarrat aur khushi hi thi khushi jis dam Nazar aaya hilal-e-mah-e-Ramzan Ya RasoolAllah

Shaha! ab gham ke maare khoon ke aansu bahate hain Chala tarpa ke haaye mah-e-Ramzan Ya RasoolAllah

Chala ab jald yeh Ramzan satayis aagayi tareekh Faqat do din ka ab Ramzan hai mehman Ya RasoolAllah

Fazayein noor barsatein hawayein muskurati thin Samaan ab hogaya har samt veeran Ya RasoolAllah

Riyazat kuch na ki hum ne ibadat kuch na ki hum ne Rahe bas har ghari mashghool-e-isyaan Ya RasoolAllah

Main haaye jee churata hi raha Rab ki ibadat se Guzara ghaflaton mein sara Ramzan Ya RasoolAllah

Main sota reh gaya ghaflat ki chadar taan kar afsos Khudara meri bakhshish ka ho saamaan Ya RasoolAllah

Judayi ki ghari jaan-soz hai usshaq-e-Ramzan par Chala in ko rula kar mah-e-Ramzan Ya RasoolAllah

Tarapte hain bilakte hain qarar aata nahi in ko Bahut be-chain hain usshaq-e-Ramzan Ya RasoolAllah

Gunahon ki siyahi chha rahi hai rukh pe mehshar mein Mira chehra paye Ramzan ho taabaan Ya RasoolAllah

Why Screenshot When You Can Download? Get the App for Efficient Storage!

Mah-e-Ramzan ki rukhsat jaan-e-ashiq par qayamat hai Gada tere hain hairan-o-pareshan Ya RasoolAllah

Khuda ke nek bande nekiyon mein lag gaye lekin Gunah karta raha Attar nadaan Ya RasoolAllah