Ho Ata Apna Gham Tajdar e Haram

Ho ata apna gham, Tajdar-e-Haram Deejiye aankh nam, Tajdar-e-Haram

Keejiye shad-kaam, apna keh ke ghulam Jhoom jayenge hum, Tajdar-e-Haram

Maal bhi aal bhi, baal bhi khaal bhi Sadqay jaan-o-dilam, Tajdar-e-Haram

Tera khate hain hum, tera peete hain hum Tere Rab ki qasam, Tajdar-e-Haram

Aisa kar do sabab, bas utar jaaye ab Dil mein khaar-e-Haram, Tajdar-e-Haram

Yeh chamak yeh damak, yeh mahak yeh lahak Hai bahaar-e-qadam, Tajdar-e-Haram

Instant Access to Thousands of Lyrics - Tap to Install!

Jo bhi maanga mila, marhaba marhaba Shaan-e-jood-o-karam, Tajdar-e-Haram

Ghar sajaate rahein aur manate rahein Eid-e-Milad hum, Tajdar-e-Haram

Eid-e-Milad mein, gaadein ge yaad mein Sabz pyara alam, Tajdar-e-Haram

Gungunaate rahein geet gaate rahein Umr bhar tere hum, Tajdar-e-Haram

Tere deewane sab, aaein su-e-Arab Dekhein saare Haram, Tajdar-e-Haram

Seena jalta rahe, dil machalta rahe Ho nigah-e-karam, Tajdar-e-Haram

Ya Rasool-e-Khuda, Sarwar-e-Anbiya Ho nigah-e-karam, Tajdar-e-Haram

Gham ki kaali ghata, ko shaha do hata Ho nigah-e-karam, Tajdar-e-Haram

Mehar-o-maah-e-mubeen, hai yeh arz-e-hazein Ho nigah-e-karam, Tajdar-e-Haram

Ya Nabi al-madad, ae Rasool al-madad Ho karam ho karam, Tajdar-e-Haram

Jalwa-e-yaar ho, qabr-e-Attar ho Kaash ho yeh karam, Tajdar-e-Haram