Haqiqat Aap Ki Haq

Haqeeqat aap ki haq jaanta hai Woh wahm-o-fahm se Aqa wara hai

Kuch aisa aap ko haq ne kiya hai Ke khud woh aap ka taalib hua hai

Buland itna tujhe haq ne kiya hai Ke arsh-e-haq bhi tere zer-e-pa hai

Jo auron ke ulu ki inteha hai Woh sarkari ulu ki ibtida hai

Khuda ki zaat tak to hi rasa hai Kisi ka bhi yeh aali martaba hai

Na hai tum sa na koi hoga aage Na aye Aqa koi tum sa hua hai

Malaik mein rusul mein ambiya mein Koi arsh-e-ala tak bhi gaya hai

Ta’ala Allah teri shaan-e-aali Jalaalat-e-shaan ki kya inteha hai

Nikali zawraq-e-khursheed doobi Isharay se qamar tukray kiya hai

Tumhein ho doosra mein sab se baala Bas ik Allah hi tum se siwa hai

Teri surat se hai haq aashkara Khuda bhati teri har har ada hai

Nahi ho sakta tujh se koi bahar Ke tu hi mubtada-o-muntaha hai

Tu hai noor-e-Khuda phir saaya kaisa Kahin bhi noor ka saaya para hai

Tu hai zill-e-Khuda wallah-billah Kahin saaye ka bhi saaya para hai

Zameen par tera saaya kaise parta Tera mansoob-e-arfa daima hai

Khuda ka fazl-e-azam aap par hai Sikha sab kuch tumhein haq ne diya hai

Na minnat tum pe ustadon ki rakhi Tumhara ummi hona mojza hai

Hatheli ki tarah pesh-e-nazar hai Hawa jo hoga jo kuch ho raha hai

Na koi raaz ho posheeda tum se Na koi raaz posheeda raha hai

Chupa tum se rahe kyunkar koi raaz Khuda bhi to nahi tum se chupa hai

Musallat ghaib par tu kyun na hota Nabi-o-Mujtaba-o-Murtaza hai

Teri marzi raza-e-haq hai Mawla Raza-e-haq teri marzi shaha hai

Guzar tera hua hai jo gali se Teri khushbu se har zarra basa hai

Duroodein tum pe haq ki hon hamesha Hamari haq se har dam yeh dua hai

Durood us par ho jis par haq duroodein Bahar lahza ba har dam bhejta hai

Salaam us par jo hai matloob Rabb ka Salaam us par jo mehboob-e-Khuda hai

Salaam us par yeh bahr-o-bar hain jis ke Salaam us par jo Shah-e-dawsara hai

Jis Aqa ke malaik hain salami Jo Shah-e-kursi-o-arsh-e-ala hai

Khuda ki saltanat ka jo hai dolha Salaam us par jo rehmat ka bana hai

Jise sang-o-shajar tasleemein karte Salaam us par jo aisa badshah hai

Salaam us par jo awwal hai rusul ka Salaam us par jo khatm-ul-ambiya hai

Salaam-e-awwal ka awwal par hamesha Salaam-e-baqi ho jab tak baqa hai

Salaam-e-aakhir ka aakhir par ho da’im Na bas alam hi tak jis ko fana hai

Salaam-e-zahir-o-batin ho us par Jo zahir ho ke batin ho gaya hai

Salaam aye jaan-e-rehmat kaan-e-niamat Salaam aye ke woh shaan-e-haq-numa hai

Rahe jalwa tumhara dil ke andar Mere pyare yeh dil ka mudda hai

Rahe pesh-e-nazar woh ru-e-anwar Tarasti aankhon ki yeh iltija hai

Sharab-e-deed se dil shad kijiye Hamare dard ki yeh hi dawa hai

Yahin hai be-thikanon ka thikana Yahin Shah-o-gada sab ka thiya hai

Dam-e-aakhir tu aaja jaan-e-Isa Hain saaqit nabzein ghungar bolta hai

Dam-e-aakhir chale aao khudara Dikha do marne wala ji raha hai

Tere qadmon mein jis ko maut aaye Hayaat-e-jawidan us ki qaza hai

Hata dijiye rukh-e-anwar se gesu Andhera qabr ka kali bala hai

Sungha dijiye hamhein woh zulf-e-mushkein Sifat mein jis ki wallail-e-saja hai

Dikha dijiye shaha pur-noor chehra Sifat mein jis ki wash-shams aur duha hai

Tere qurban aye zulf-e-muambar Hamare sar hajoom-e-bad-bala hai

Mere sar se balayein door farma Balaon mein yeh banda mubtala hai

Naheef-o-natawan Sarkar hum hain Bahut sabr-azma yeh ibtila hai

Pareshan hoon pareshani karo door Balaon mein yeh banda mubtala hai

Na kijiye door apne dar se hum ko Para rehne do jo dar par para hai

Shaheed-e-Karbala ka sadqa de de Tu shaha dafa-e-karb-o-bala hai

Pareshan hoon pareshani karo door Pareshan sa pareshan dil mera hai

Pareshani watan ki yaad karke Pareshan dil abhi se ho raha hai

Pareshani hai goona-goon watan mein Pareshan un ko farma do to kya hai

Yahan kyun kar na dil aaram paaye Jahan aaram-e-jaan-o-dil mera hai

Main ghar jaaun to un mein ghar na jaaun Yahan bas yeh tafakkur ho raha hai

Rumooz-e-maslihat Sarkar jaanein Agar wapas hi farmana bhala hai

Magar itni guzarish ki ijazat Yeh banda dast-basta chahta hai

Never Be Without Your Favorite Lyrics - Get the App for Offline Access!

Hamhein phir apne qadmon mein bulana Yahi Mawla Ta’ala se dua hai

Ke phir Sarkar ke qadmon mein laaye Yahin par marne jeene mein maza hai

Qayamat hai qayamat hai qayamat Jidhar dekho udhar mehshar bapa hai

Zameen tabne ki hai suraj saron par Tapish se bhejha sar mein kholta hai

Zara sa bhi nahi saaya kahin par Arq itna baha darya baha hai

Zabanein sookhi hain kaante jame hain Atash se haal abtar ho raha hai

Kaleje munh ko aaye dam ghatay hain Ulat kar dil gale mein aa raha hai

Sarapa koi to gharq-e-araq hai Kisi ke munh tak aakar reh gaya hai

Tarapta hai koi be-chain ho kar Koi gir kar zameen par lot-ta hai

Misal-e-mahi-e-be-aab koi Koi jal kar kabab-e-sokhta hai

Ajab hi kas-mupursi ka hai aalam Jise dekho bharakta bhaagta hai

Zan-o-sho mein nahi baqi ta’aruf Na bhai bhai ko pehchanta hai

Na koi aaj haami hai na yawwar Kahin kis se ke aisa maajra hai

Bure ahwal hain is roz uff uff Bahut ahwal-e-bah ka samna hai

Koi haanpe koi kaanpe karahay Koi rota koi chilla raha hai

Hai daro-geer ka hungama barpa Bahut sakht aafton ka samna hai

Rusul bhi nafsi nafsi keh rahe hain Himayat ka kise ab aasra hai

Bandhay gi aas apni ba’d-e-har yaas Usi se jo hamara aasra hai

Usi ke paas sab pahunchein ge aakhir Woh jis ka naam-e-naami Mustafa hai

Shafa’at ka usi ke sar hai sehra Wohi is bazm ka dolha bana hai

Chalo aye aasiyo kyun kurh rahe ho Woh mehboob-e-Khuda jalwa-numa hai

Malool aye gham-zada tum kis liye ho Woh pyara Mustafa jab gham-zuda hai

Sunein ge sunne wale izhaboo ke Zaban-e-pak par inni laha hai

Mazaalim kar lein jitne howein zalim Na kar gham Noori apna bhi Khuda hai