Hai Tum Se Alam Par Zia

Hai tum se aalam pur-ziya Mah-e-Ajam Mehr-e-Arab De do mere dil ko jala Mah-e-Ajam Mehr-e-Arab

Donon jahan mein aap hi ke noor ki hai roshni Duniya-o-uqba mein shaha Mah-e-Ajam Mehr-e-Arab

Kab hote ye sham-o-sahar kab hote ye shams-o-qamar Jalwa na hota gar tera Mah-e-Ajam Mehr-e-Arab

Sham-o-sahar ke qalb mein shams-o-qamar ki aankh mein Jalwa hai jalwa aap ka Mah-e-Ajam Mehr-e-Arab

Hai roo-siyah mujh ko kiya aaqa mere a'maal ne Kardo ujala munh mera Mah-e-Ajam Mehr-e-Arab

Khurshid-e-taban bheek ko aaya teri sarkar se Hai noor se kasa bhara Mah-e-Ajam Mehr-e-Arab

Khurshid ke sar aap ke dar ki gadaai se raha Sehra shaha anwar ka Mah-e-Ajam Mehr-e-Arab

More Lyrics, Less Storage - Install the App and Ditch the Screenshots!

Kasa-lesi se tere darbar ki mahtab bhi Kaisa munawwar ho gaya Mah-e-Ajam Mehr-e-Arab

Hain ye zameen-o-aasman mangta usi sarkar ke Hai un ki aankhon ki ziya Mah-e-Ajam Mehr-e-Arab

Yun bheek leta hai do waqta aasman anwar ki Subh-o-masa hai jabha-sa Mah-e-Ajam Mehr-e-Arab

Is jabha-saai ke sabab shab ko usi sarkar ne In'aam mein teeka diya Mah-e-Ajam Mehr-e-Arab

Aur subh ko sarkar se us ko mila noori sila Umda sa jhoomar pur-ziya Mah-e-Ajam Mehr-e-Arab

Jab tum na the kuch bhi na tha jab tum huye sab kuch hua Hai sab mein jalwa aap ka Mah-e-Ajam Mehr-e-Arab

Ik zulmat-e-isyaan shaha is par andhera qabr ka Karde ziya Badru-Duja Mah-e-Ajam Mehr-e-Arab

Bartushavad az noor-e-Rab baran-e-noori roz-o-shab Ho ta-abad ye silsila Mah-e-Ajam Mehr-e-Arab

Ho murshidon par noor-e-jaan barish tumhare noor ki Aur un se paaye ye gada Mah-e-Ajam Mehr-e-Arab

Be-shak hai aasi ke liye naari sila lekin shaha Noori ko do noori jaza Mah-e-Ajam Mehr-e-Arab