Dil Main Hai Khayal

Dil mein hai khayal-e-rukh-e-neekoo-e-Muhammad ﷺ Allah ke ghar mein hai basi boo-e-Muhammad ﷺ

Kya rang-e-tasawwur hai ke har saans se mil kar Aati hai hawa-e-chaman-e-koo-e-Muhammad ﷺ

Le jaye ajal jaan ki parwah nahin mujhko Hai taar-e-rag-e-jaan mujhe har soo-e-Muhammad ﷺ

Aa jaye nazar raah mein gar naqsh-e-kaf-e-pa Aankhon se chaloon main taraf-e-koo-e-Muhammad ﷺ

Tola hai bohat jaanch ke arbaab-e-nazar ne Hain shams-o-qamar sang-e-tarazoo-e-Muhammad ﷺ

More Lyrics, Less Storage - Install the App and Ditch the Screenshots!

Dilbar hai, dil-aaram hai, dildaar hai woh dil Jis dil mein hai yaad-e-rukh-e-diljoo-e-Muhammad ﷺ

Seene se lagaaoon main Ameer aankhon mein rakhoon Hain phool mujhe khaar-o-khas-e-koo-e-Muhammad ﷺ