Charagh e Haq Jalaya Ja Raha Hai

چراغِ حق جلایا جا رہا ہے اندھیروں کو مٹایا جارہا ہے

کسی کی آمد آمد ہےیقیناً جہاں بھرکوسجایا جاریاہے

پڑھی جو نعت تو آواز آئی تمہیں طیبہ بلایا جارہا ہے

حریمِ ناز میں وہ جلوہ گرہیں ابھی پردہ اُٹھایا جارہا ہے

بھلا ایسا سخی کوئی اور ہوگا ملا جو کچھ لُٹایا جا رہا ہے

میرے آقاؐ وہ قرآنِ مجسم جو نعتوں میں سنایا جارہاہے

وہ اقصیٰ میں جماعت انبیاء کی امام ان کو بنایا جا رہا ہے

میرے آقا کا حسنِ خلق دیکھو گلے سب کو لگایا جارہا ہے

جو مدت سے بہم شمشیر زن تھے انہیں پھر سے ملایا جا رہا ہے

جو کچھ دے آشنا اسرار حق سے سبق ایسا پڑھایا جا رہا ہے

یہ بھینی بھینی خوشبو کہہ رہی ہے مدینہ پاس آیا جا رہا ہے

ولادتِ مصطفیٰ ایسی ہے ساحرؔ لو آیا نور سایا جارہا ہے