Chand Taray Gagan Muskurane Lage

Chand taare gagan muskurane lage Mere Sarkar ﷺ tashreef laane lage

Mere Aaqa ﷺ ki jab hai wiladat hui Abr-e-rehmat ke har samt chhane lage

Dharti ameer samaan keh-kashan kul jahan Jin ki aamad pe sab jagmagane lage

Madhat-e-Mustafa ﷺ kar raha hai Khuda Naat Jibreel jin ki sunane lage

Laat-o-Uzza gire bujh gaya butkada Saare iblees maatam manane lage

Aayi jab aamad-e-Mustafa ﷺ ki ghadi Tab parindey bhi hain chehchahane lage

Instant Access to Thousands of Lyrics - Tap to Install!

Hoor-o-ghilman malaik bhi behr-e-adab Jinki chaukhat pe sar ko jhukane lage

Rashk karne lage zarrey taqdeer par Chand taron se aankhein milane lage

Muskurane hamari lagi zindagi Naat-e-Ahmed ﷺ jo hum gungunane lage

Phool ghunche chaman aur mushk-e-Khotan Aaj khushboo Tasadduq! lutane lage