Bi Hamd e Allah Abdullah

Bi-hamdillah Abdullah ka noor-e-nazar aaya Mubarak Aamina ka noor-e-dil lakht-e-jigar aaya

Yeh Abdul Muttalib ki khoobi-e-qismat ke un ke ghar Chiragh-e-laamakaan kown-o-makaan ka taajwar aaya

Woh khatm-ul-Anbiya tashreef farma hone wale hain Nabi har ek pehle se sunata yeh khabar aaya

Rabi-ul-pak tujh par Ahle-Sunnat kyon na qurban hon Ke teri barahwin tareekh woh jaan-e-qamar aaya

Huye jab jalwa farma Shah-e-Zeeshan bazm-e-dunya mein Har ek qudsi falak se bahr-e-pabosi utar aaya

Jhuka jata hai sajde ke liye is waste Kaba Ke masjood-e-malaik aaj is mein jalwa gar aaya

Na kyon tanha kare farmanrawai haft kishwar par Ke hamrahi mein apni le ke woh fath-o-zafar aaya

Kahanat mit gayi bilkul ke ab woh mukhbir-e-Sadiq Bi-fadlillah ek ek baat ki dene khabar aaya

Uloom-e-awwaleen-o-aakhireen hain jis ke seene mein Khabar hai zarra zarra ki jise woh ba-khabar aaya

Nifaq-e-jahiliyat se kaho ab munh chupa baithe Qabail ko woh karne ke liye sheer-o-shakar aaya

Shab-e-milad-e-aqdas thi musarrat zarra zarra ko Magar Iblees apne saathiyon mein noha kar aaya

Zameen boli ke but-khane se paak-o-saaf hoti hoon Nida Kaba se uthi ab mera maqsood bar aaya

Gunahgaro kidhar ho fard-e-isyan apni dho daalo Rasool-Ullah ka darya-e-rehmat josh par aaya

Chalo ae mufliso jo aaj mango ge woh pao ge Ke sadqa baantta arz-o-sama ka taajwar aaya

Hukumat aisi naafiz hai ke un ka hukm paate hi Ali ke waste maghrib se sooraj laut kar aaya

Diya hukm-e-huzoori jis ghari Sarkar-e-Wala ne Zameen ko cheerta sajda-kunan foran shajar aaya

Kaho har roz kitni baar tum yaad us ki karte ho Khayal-e-ummat-e-aasi jise aathon pehar aaya

Why Screenshot When You Can Download? Get the App for Efficient Storage!

Yeh keh uthoon woh meri qabr mein jab jalwa farma ho To hat ja zulmat-e-marqad ke woh jaan-e-qamar aaya

Wahabi mehfil-e-aqdas mein gar aaye to yon samjho Ke insaanon mein kafri bojh laade jaise khar aaya

Jameel-e-Qadri jab sabz gumbad un ka dekhon ga To samjhon ga meri nakhl-e-tamanna mein samar aaya