Aye Sabz Gumbad Wale

Ae sabz gumbad wale manzoor dua karna Jab waqt-e-naz'a aaye deedar ata karna

Ae noor-e-Khuda aa kar aankhon mein sama jaana Ya dar pe bula lena ya khwab mein aa jaana Ae parda nasheen dil ke parde mein raha karna Jab waqt-e-naz'a aaye deedar ata karna

Main qabr andheri mein ghabraunga jab tanha Imdad meri karne aa jaana Rasool Allah Roshan meri turbat ko lillah zara karna Jab waqt-e-naz'a aaye deedar ata karna

Had koi nahi dekho Sarkar ki rehmat ki Sab par hi karam karna fitrat hai Muhammad ki Hum par bhi karam karna bas khwab mein aa jaana Jab waqt-e-naz'a aaye deedar ata karna

Download Lyrics & Access Offline - Install Our App Now!

Tere se ziya paayi in chand sitaron ne Us dar se shifa paayi dukh dard ke maaron ne Aata tumhein shaha mushkil se raha karna Jab waqt-e-naz'a aaye deedar ata karna

Mehboob-e-Ilahi sa koi na haseen dekha Yeh shan-e-karam un ka saya bhi nahi dekha Allah ne saye ko chaha na juda karna Jab waqt-e-naz'a aaye deedar ata karna

Mujrim hoon zamane ka mehshar mein bharam rakhna Ruswaye zamana hoon kamli mein chupa lena Manzoor dua meri maqbool-e-Khuda karna Jab waqt-e-naz'a aaye deedar ata karna