Aye Rasool e Ameen

Ae Rasool-e-Ameenؐ, Khatam-ul-Mursaleen ﷺ! Tujh sa koi nahin tujh sa koi nahin

Hai aqeedah yeh apna ba-sidq-o-yaqeen Tujh sa koi nahin tujh sa koi nahin

Ae Ibrahim-i-o Hashmi khush-laqab Ae ru-e-aali nasab ae tu wala haseen

Dood-e-mani Quraishi ke dur-e-sam'een Tujh sa koi nahin tujh sa koi nahin

Dast-e-qudrat ne aisa banaya tujhe Jumla ausaaf se khud sajaya tujhe

Ae azal ke haseen ae abad ke haseen Tujh sa koi nahin tujh sa koi nahin

Bazm-e-kaunain pehle sajayi gayi Phir teri zaat manzar pe layi gayi

Sayyid-ul-awwaleen Sayyid-ul-akhareen Tujh sa koi nahin tujh sa koi nahin

Tera sikka rawan kul jahan mein hua Is zameen mein hua aasman mein hua

Kya Arab kya Ajam sab hain zer-e-nageen Tujh sa koi nahin tujh sa koi nahin

Tere andaaz mein wus'atein farsh ki Teri parwaaz mein rif'atein arsh ki

Tere alfaaz mein khuld ki yaasmeen Tujh sa koi nahin tujh sa koi nahin

Sidrat-ul-Muntaha rah-e-guzar mein teri Qaba Qausain gard-e-safar mein teri

Tu hai Haq ke qareen Haq hai tere qareen Tujh sa koi nahin tujh sa koi nahin

Offline Lyrics Anytime, Anywhere - Download the App Today!

Kehkashan zau tere sarmadeen taaj ki Zulf-e-taaban haseen raat-e-Me'raj ki

Lailat-ul-Qadr teri munawwar jabeen Tujh sa koi nahin tujh sa koi nahin

Mustafa Mujtaba teri madh-o-sana Mere bas mein nahin dastaras mein nahin