Ankhon Ka Tara Naam Muhammad

Aankhon ka tara naam-e-Muhammad Dil ka ujala naam-e-Muhammad

Allahu Akbar Rabb-ul-Ula ne Har shay pe likha naam-e-Muhammad

Hain yun to kasrat se naam lekin Sab se hai pyara naam-e-Muhammad

Daulat jo chaaho dono jahan ki Kar lo wazeefa naam-e-Muhammad

Shaida na kyun hon is par musalman Rabb ko hai pyara naam-e-Muhammad

Allah wala dam mein bana de Allah wala naam-e-Muhammad

Salli ala ka sehra saja kar Dulha banaya naam-e-Muhammad

Nooh-o-Khaleel-o-Musa-o-Isa Sab ka hai Aaqa naam-e-Muhammad

Saare chaman mein laakhon gulon mein Gul hai hazara naam-e-Muhammad

Paayen muraadein dono jahan mein Jis ne pukara naam-e-Muhammad

Dono jahan mein duniya-o-deen mein Hai ik waseela naam-e-Muhammad

Momin ko kyun ho khatra kahin par Dil par hai kunda naam-e-Muhammad

Rakho lahad mein jis dam azizo Mujh ko sunana naam-e-Muhammad

Padhti duroodein daudengi hoorein Laasha jo le ga naam-e-Muhammad

Roz-e-Qayamat meezan-o-pul par De ga sahara naam-e-Muhammad

Poochhe ga Maula laya hai kya kya Main yeh kahun ga naam-e-Muhammad

Gham ki ghataein chhayi hain sar par Kar de ishara naam-e-Muhammad

No Internet? No Problem! Get the App for Offline Lyrics!

Ranj-o-alam mein hain naam-lewa Kar de ishara naam-e-Muhammad

Bera tabahi mein aa gaya hai De de sahara naam-e-Muhammad

Zakhmi jigar par majrooh dil par Marham laga ja naam-e-Muhammad

Dil mein adawat kharke bhari hai Najdi na le ga naam-e-Muhammad

Apne Raza ke qurbaan jaaun Jis ne sikhaya naam-e-Muhammad

Aankhon mein aakar dil mein sama kar Rangat racha ja naam-e-Muhammad

Apne Jameel Qadri ke dil mein Aaja sama ja naam-e-Muhammad