Aj Sik Mitran Di Vadheri Ae

اج سک متراں دی ودھیری اے کیوں دلڑی اداس گھنیری اے

آلوں لوں وچ شوق چنگیری اے اج نیناں لائیاں کیوں جھڑیاں

الطیف سری من طلعتہ والشذ و بدی من وفرتہ

فسکرت ھنا من نظرتہ نیناں دیاں فوجاں سر چڑھیاں

مکھ چند بدر شعشانی اے متھے چمکدی لاٹ نورانی اے

کالی زلف تے اکھ مستانی اے مخمور اکھیں ہن مدھ بھریاں

دو ابرو قوس مثال دسن جیں تھیں نوک مژہ دے تیر چھٹن

لباں سرخ آکھاں کہ لعل یمن چٹے دند موتی دیاں ہن لڑیاں

اس صورت نوں میں جان آکھاں جانان کہ جان جہان آکھاں

سچ آکھاں تے رب دی شان آکھاں جس شان تو شاناں سب بنیاں

دسے صورت راہ بے صورت دا توبہ راہ کی عین حقیقت دا پر کم نہیں بے سوجھت دا کوئی ورلیاں موتی لے تریاں

ایہا صورت شالا پیش نظر رہے وقت نزع تے روز حشر

وچ قبر تے پل تھیں جد ہوسی گذر سب کھوٹیاں تھیں سن تد کھریاں

یعطیک ربک داس تساں فترضی تھیں پوری آس اساں

لج پال کریسی پاس اساں واشفع تشفع صحیح پڑھیاں

لاہو مکھ تو مخطط برد یمن من بھانوری جھلک دکھلاو سجن

اوہا مٹھیاں گالیں الاو مٹھن جو حمرا وادی سن کریاں

حجرے توں مسجد آو ڈھولن نوری جھات دے کارن سارے سکن

دو جگ اکھیاں راہ دا فرش کرن سب انس و ملک حوراں پریاں

انہاں سکدیاں تے کرلاندیاں تے لکھ واری صدقے جاندیاں تے

انہاں بردیاں مفت وکاندیاں تے شالا آون وت وی اوھ گھڑیاں سبحان اللہ ما اجملک ما احسنک ما اکملک

Never Be Without Your Favorite Lyrics - Get the App for Offline Access!

کتھے مہر علی کتھے تیری ثنا گستاخ اکھیں کتھے جا اڑیاں