Agar Muhammad Na Hote

Islam ka usool Koi maanta nahi Roza, namaz, hajj, zakat Jaanta nahi Ruye zameen pe aati na Jo Aamina ka laal

Koi Khuda-e-Pak ko pehchanta nahi Na kaliyan hi khilti, na gul muskurate Agar bagh-e-hasti ka maali na hota

Yeh sab hai mere Kamli wale ka sadqa Muhammad ﷺ na hote to kuch bhi na hota

Zameen, aasman, chand, taare na hote Yeh duniya ke rangeen nazare na hote Na ghunche chatakte na gul muskurate Na panchi hi wahdat ke naghme sunate Na gulshan mein aati yeh rangeen baharein

Barasti na rahmat ki jham jham fwahrein Gulon mein yeh rang-e-jamali na hota Muhammad ﷺ na hote to kuch bhi na hota Yeh sab hai mere Kamli wale ka sadqa Muhammad ﷺ na hote to kuch bhi na hota

Tufail-e-Muhammad ﷺ yeh duniya bani hai Unhi ke qadam se yeh dharti saji hai Paharon samandar yeh gulshan yeh sehra Yeh din raat yeh subh-o-shaam-o-sawera

Na aaghaz hota na anjaam hota Na Quran ka jaari farman hota Nishan tak duniya ka baqi na hota Muhammad ﷺ na hote to kuch bhi na hota Yeh sab hai mere Kamli wale ka sadqa Muhammad ﷺ na hote to kuch bhi na hota

Kahan phir yeh khilqat ki takhleeq hoti Kahan phir sadaqat ki tasdeeq hoti Yeh Aadam ka putla banaya na hota Nabi koi duniya mein aaya na hota Na Yaqoob, Yusuf na Isa na Musa

Na Dawood, Yahya na Nuh na Zakariya Nabuwat ka yeh silsila na hota Muhammad ﷺ na hote to kuch bhi na hota Yeh sab hai mere Kamli wale ka sadqa Muhammad ﷺ na hote to kuch bhi na hota

Kabhi khatm hota na daur-e-jahalat Badalti na hargiz zamane ki halat Na Ka'abe mein koi azaan-e-Bilali Buton se kabhi Ka'aba hota na khaali Na Allah-u-Akbar ki aati sadayein Agar na'ara-e-haq ka woh saathi na hota Khuda ka koi bhi pujari na hota

Never Be Without Your Favorite Lyrics - Get the App for Offline Access!

Na Allah-u-Akbar ki aati sadayein Na bandon ki maqbool hoti duayein Na aayat aati na Quran aata Na ummat ki bakhshish ka saaman aata Na ghar ghar mein Quran ki hoti tilawat

Na Allah ki koi karta ibadat Kahin par bhi zikr-e-Ilahi na hota Muhammad ﷺ na hote to kuch bhi na hota Yeh sab hai mere Kamli wale ka sadqa Muhammad ﷺ na hote to kuch bhi na hota

Khuda jaane kya hota mehshar mein Anwar Na aate jahan mein jo Maula ke dilbar Gunahgar dete tab kis ki duhai Na milti kabhi aasiyon ko rihayi Khataon pe aise bahut gurgurate

Zamane mein har samt rehta andhera Sada rehta tareekiyon ka basera Yeh sab hai mere Kamli wale ka sadqa Yeh sab hai mere Kamli wale ka sadqa Agar paida Maula ke dilbar na hote Yeh mehr-e-abu minbar munawwar na hote Yeh sab mere Kamli wale ka sadqa