We've added ads to help keep the platform running and improving for you. Learn More
آپؐ کی فرقت نے مارا یا نبیؐ دل ہوا غم سے دو پارا یا نبیؐ
حق تعالیٰ کے تمہی محبوبؐ ہو کون ہے ہمسر تمہارا یا نبیؐ
طالب دیدار ہوں، دکھایۓ روۓ نورانی خدارا یا نبیؐ
باغ جنت سے ہے افضل لاکھ بار مجھ کو وہ کوچہ تمہارا یا نبیؐ
لیجۓ در پر بلا کب تک پھروں در بدر یوں مارا مارا یا نبیؐ
چین آتا ہے میرے دل کو تمام نام لیتے ہی تمہارا یا نبیؐ
مرتے دم گر دیکھ لوں روۓ شریف زندگی ہووے دوبارا یا نبیؐ
