Yaqeenan Mamba e Khouf e Khuda

Yaqeenan manba-e-khauf-e-Khuda Siddiq-e-Akbar hain Haqeeqi aashiq-e-Khair-ul-Wara Siddiq-e-Akbar hain

Bila shak paikar-e-sabr-o-raza Siddiq-e-Akbar hain Yaqeenan makhzan-e-sidq-o-wafa Siddiq-e-Akbar hain

Nihayat muttaqi-o-parsa Siddiq-e-Akbar hain Taqi hain balkeh Shah-e-Atqiya Siddiq-e-Akbar hain

Jo yaar-e-ghaar mehboob-e-Khuda Siddiq-e-Akbar hain Wohi yaar-e-mazaar-e-Mustafa ﷺ Siddiq-e-Akbar hain

Tabeeb-e-har mareez-e-la-dawa Siddiq-e-Akbar hain Ghareebon be-kason ka aasra Siddiq-e-Akbar hain

Amir-ul-Mu'mineen hain aap Imam-ul-Muslimeen hain aap Nabi ﷺ ne jannati jin ko kaha Siddiq-e-Akbar hain

Sabhi as-haab se barh kar muqarrab zaat hai unki Rafeeq-e-sarwar-e-arz-o-sama Siddiq-e-Akbar hain

Umar se bhi woh afzal hain woh Usman se bhi hain aala Yaqeenan peshwa-e-Murtaza Siddiq-e-Akbar hain

Imam-e-Ahmad-o-Malik, Imam-e-Abu Hanifa aur Imam-e-Shafi'i ke peshwa Siddiq-e-Akbar hain

Tamami awliya Allah ke sardar hain jo us Hamare Ghous ke bhi peshwa Siddiq-e-Akbar hain

Sabhi ulama-e-ummat ke, imam-o-peshwa hain aap Bila shak peshwa-e-asfiya Siddiq-e-Akbar hain

Free Up Space - Get Lyrics Without Bulky Screenshots!

Khuda-e-pak ki rehmat se insanon mein har ek se Fuzoon tar ba'd az kul ambiya Siddiq-e-Akbar hain

Halakat khez tughyani ho ya hon maujen toofani Na doobay apna beera nakhuda Siddiq-e-Akbar hain

Bhatak sakte nahin hum apni manzil thokaron mein hai Nabi ﷺ ka hai karam aur rehnuma Siddiq-e-Akbar hain

Gunahon ke marz ne neem jaan hai kar diya mujh ko Tabeeb ab bas meray to aap Ya Siddiq-e-Akbar hain

Na ghabrao gunah-garo tumharay hashr mein haami Muhibb-e-Shafi'-e-roz-e-jaza Siddiq-e-Akbar hain

Na dar Attar aafat se Khuda ki khaas rehmat se Nabi ﷺ wali teray, mushkil-kusha Siddiq-e-Akbar hain