Main Bulbul Bagh Atar Di Han

میں بلبل باغ عطار دی ہاں کی کرنا ایں باغ بہاراں نوں

جدوں مرشد نظرِ کرم کیتی اُڈاں طیبہ دے بازاراں نوں میں بلبل باغ عطار دی ہاں

جدوں شہر مدینے می جاواں گا پلکاں نال جھاڑو الاواں گا سوہنے دے شہر بازاراں نوں میں بلبل باغ عطار دی ہاں

اک واری جے طبیہ نوں جاواں ربّا لکھ دے فیر نہ مڑ آواں جا سوداں بقیع دے مزاراں نوں میں بلبل باغ عطار دی ہاں

خورے کہڑے ویلے تُساں آؤنا ایں کدوں ساڈے وَل پھیرا پاؤنا ایں ہارے تک تک تیریاں رہواں نوں میں بلبل باغ عطار دی ہاں

کدی خواب ساڈے وچ آ آقا ﷺ ساڈے سُتڑے بھاگ جگا آقا ﷺ عاصی ترس دے نیں دیداراں نوں میں بلبل باغ عطار دی ہاں

پاؤ خیر چا ایس کمینے نوں سدو مرشد نال مدینے نوں کدی میرے جۓ گنہ گاراں نوں میں بلبل باغ عطار دی ہاں

جتھے آقا ﷺ نے لایاں تلیاں نیں اُس شہر نوں سیاں چلیاں نیں سدو میرے جۓ بدکاراں نوں میں بلبل باغ عطار دی ہاں

کدوں دن اوہ مہینہ آؤنا اے جدوں مرشد نال لے جاؤنا اے کدی یاسرؔ جۓ بدکاراں نوں میں بلبل باغ عطار دی ہاں