Ya Khuda Meri Maghfirat Farma

Ya Khuda meri maghfirat farma Bagh-e-Firdaus marhamat farma

Deen-e-Islam par mujhe ya Rabb Istaqamat tu marhamat farma

Tu gunahon ko kar muaaf Allah! Meri maqbool ma'zirat farma

Mustafa ka waseela tawba par Tu inayat mudawamat farma

Maut imaan pe de Madine mein Aur mehmood aaqibat farma

Your Lyrics, Even Offline - Install the App for Free!

Tu sharaf zer-e-Gumbad-e-Khazra Mujh ko marne ka marhamat farma

Sarfaraz aur surkhru Mawla Mujh ko tu roz-e-aakhirat farma

Mushkilon mein mere Khuda meri Har qadam par muawanat farma

Mujh ko ’’qufl-e-Madinah‘‘ par ya Rabb Tu inayat mudawamat farma

Ya Khuda Madani qafilon par bhi Tu inayat mudawamat farma

Kash! chhorun na ’’Madani in'amaat‘‘ Tu inayat mudawamat farma

Ho na Attar hashr mein ruswa Be hisab is ki maghfirat farma