Mera Dil Badal De

بدل دے دل کی دنیا دل بدل دے میرا غفلت میں ڈوبا دل بدل دے

ہوا و ہرس والا دل بدل دے میرا غفلت میں ڈوبا دل بدل دے

بدل دے دل کی دنیا دل بدل دے خدایا فضل فرما دل بدل دے

گناہ گاری میں کب تک عمر کاٹوں بدل دے میرا رستہ دل بدل دے

سنوں میں نام تیرا، دھڑکنوں میں مزہ آجاۓ مولیٰ دل بدل دے

ہٹا لوں آنکھ اپنی ما سوا سے جیوں میں تیری خاطر دل بدل دے

کروں قربان اپنی ساری خوشیاں تُو اپنا غم عطا کر دل بدل دے

پڑا ہوں تیرے در پہ دل شکستہ رہوں کیوں دل شکستہ دل بدل دے

تیرا ہو جاؤں اتنی آرزو ہے بس اتنی ہے تمنا دل بدل دے

میری فریاد سن لے میرے مولیٰ بنا لے اپنا بندہ دل بدل دے