Main Sunya Aye Piya De
میں سنیااےپیادےدیس اندرڈاہڈیاں مشکلاں بھاریاں نیں اک کوٹھڑی ملدی اےرہن مدلے جنہوں بوھےتےناں باریاں نیں
جہڑےکیندےسی مراں گےنال تیرےاج اونہاں وی بازیاں ہاریاں نیں جنج ہنجواں دی ڈھکی آن ویڑےاندرروح دیاں ہوون تیاریاں نیں
جہڑےنیں سی تکدےدنےراتیں اج اونہاں وی باریاں ماریاں نیں وعدہ کیتا سی یارنےنال ساڈےاساں خوب نبھانیاں یاریاں نیں
جدوں چمن وچ خزاں نےوال کھولے پنجھی اڈگۓمار اڈاریاں نیں کسےجھلی وی ناں کوئی پیش چلی باہواں موت نیں جدوں کھلاریاں نیں
ٹرپۓسنجےجۓدیس نوں چپ کرکےواجاں پیا نےجدوں ماریاں نیں چٹی پا پوشاک سی گھروں چلی جتھےعمراں بیٹھ گزاریاں نیں
رل کےماپیاں دےنال ویرروۓنالےروون سہیلیاں ساریاں نیں گھروں ماپیاں دےٹرےویرلےکےٹٹ گئیاں سب گھوڑیاں یاریاں نیں
پہلی رات پردیس وچ آئی جس دم اگوں دسیاں منزلاں بھاریاں نیں تےکنڈ چک کےپچھنافیرسائیاں اورراتاں پچھلیاں کتھے گزاریاں نیں
گل ہوردی ہورای ہورہوگئی گلاں بھلیاں پچھلیاں ساریاں نیں گئیاں چھٹ تریلیاں متھڑےتوں پیاں پھردیاں دلاں تے آریاں نیں
کھاتےکھول کےبیٹھ گۓعملاں دےگلاں پچھیاں پچھلیاں ساریاں نیں قولاں والیاں وصل نصیب ہوۓڈب مویاں جوقولاں توہاریاں نیں
جنج ڈھک پئ عمل برات والی سبھےختم ہوئیاں انتظاریاں نیں سہرا پا شفاعت دا مکھڑےتے آئیاں نبی دیاں سواریاں نیں
جےنبی آکھیاامتی ہےمیراتےگلاں مک گئیاں فیرساریاں نیں محمد بوٹیا جھوٹاای جگ ساراکملی والے دیاں سچیاں یاریاں نیں
