Humare Dil Se Zamane

Hamare dil se zamane ke gham mita Ya Rab Ho meethe meethe Madine ka gham ata Ya Rab

Gham-e-hayat abhi raahaton mein dhal jaayen Teri ata ka ishara jo ho gaya Ya Rab

Paye Hussain o Hasan, Fatimah, Ali, Haider Hamare bigre hue kaam de bana Ya Rab

Hamari bigri hui aadatein nikal jaayen Mile gunahon ke amraz se shifa Ya Rab

Mujhe de khud ko bhi aur saari dunya walon ko Sudhaarne ki tarap aur hosla Ya Rab

Hamesha haath bhalai ke waste uthein Bachana zulm o sitam se mujhe sada Ya Rab

Rahein bhalai ki raahon mein gaamzan har dam Karein na rukh mere paaon gunah ka Ya Rab

Gunah-gar talabgar-e-afw o rahmat hai Azab sehne ka kis mein hai hosla Ya Rab

Karam se "Neki ki dawat" ka khoob jazba de Doon dhoom sunnat-e-Mehboob ki macha Ya Rab

Ata ho Dawat-e-Islami ko qabool-e-aam Ise shuroor o fitan se sada bacha Ya Rab

Free Up Space - Get Lyrics Without Bulky Screenshots!

Main pul-e-sirat bila khauf paar kar loonga Tere karam ka sahara jo mil gaya Ya Rab

Kahin ka aah! gunahon ne ab nahin chora Azab-e-naar se Attar ko bacha Ya Rab