Allah Da Naam Laiye

اللہ دا نام لیۓ مولا دا نام لیۓ اک پل نہ غافل ہویۓ صبح تے شام لیۓ

ہر شے دا خالق اللہ مالک تے رازق اللہ اوہدی عبادت کریۓ اُس توں انعام لیۓ

مشکل نوں اوہ ٹالن والا سب نوں اوہ پالن والا بن کے ہمیشہ اُس دے سچے غلام رہیۓ

نبیاں دا ناصر اللہ وَلیاں دا راہبر اللہ اللہ دی راہ تے مریۓ عالی مقام لیۓ

رب دے پیارے اُتے عرشاں دے تارے اُتّے رج رج درود پڑھیے دامن نوں تھام لیۓ

دامن وَلیاں دا پھڑیۓ اللہ نوں راضی کریۓ توحیدی میخانے وچوں بھر بھر کے جام لیۓ

آکھاں امینؔ آکھاں نال یقین آکھاں قائم توحید اُتے زندگی تمام رہیۓ

Never Be Without Your Favorite Lyrics - Get the App for Offline Access!

اللہ دا نام لیۓ مولا دا نام لیۓ