Shafe Roz e Mehshar Pe Lakhoun Salaam

Shafi-e-roz-e-mehshar pe laakhon salaam Saqi-e-hauz-e-Kausar pe laakhon salaam

Sayyid-ul-Anbiya Khatam-ul-Mursaleen Maalik-e-bahr-o-bar, Shah-e-dunya-o-deen

Mazhar-e-shaan-e-Dawar pe laakhon salaam Shafi-e-roz-e-mehshar pe laakhon salaam

Kufr ke shar se jis ne bachaya hamain Deen ke raaste par lagaya hamain

Aise pakeeza rehbar pe laakhon salaam Shafi-e-roz-e-mehshar pe laakhon salaam

Jis ki khatir yeh dunya basayi gayi Aab-o-gil ki yeh mehfil sajayi gayi

Us Nabi, Noor-e-paikar pe laakhon salaam Shafi-e-roz-e-mehshar pe laakhon salaam

Woh Madine ki galiyon ke shaam-o-sahar Noor se jagmagate hue baam-o-dar

Jalwa-gaah-e-Payambar pe laakhon salaam Shafi-e-roz-e-mehshar pe laakhon salaam

Free Up Space - Get Lyrics Without Bulky Screenshots!

Ahl-e-imaan pe hogi jo saya-fagan Abr-e-rehmat hai ek ek jis ki shagan

Aisi zulf-e-muattar pe laakhon salaam Shafi-e-roz-e-mehshar pe laakhon salaam

Chha gayin har taraf jis ki taabaniyan Noor se jis ke roshan hain kaun-o-makaan

Aise rukh-e-munawwar pe laakhon salaam Shafi-e-roz-e-mehshar pe laakhon salaam

Haq-numa, haq-bayaan, haq-zabaan bhi wahi Izn-e-Allah se, ghaib-daan bhi wahi

Ilm ke shahar-e-anwar pe laakhon salaam Shafi-e-roz-e-mehshar pe laakhon salaam