Assalam Aye Matla e Subhe Azal

السلام اے مطلع صبح ازل السلام اے جان ہر نثر و غزل

السلام اے قلزم جود و سخا السلام اے مصدر حمد و ثناء

السلام اے موجب ایجاب کن السلام اے جرات آموز سخن

السلام اے ناظر اطوار خلق السلام اے شاہد کردار خلق

السلام اے پر تو ذات جلال السلام اے حلقۂِ نور وجمال

السلام اے زبدۂ کون و مکاں السلام اے شرح اسرار و بیاں

السلام اے عقدۂ اندر گلیم السلام اے موجِ نور اندر خریم

السلام اے ماورائے قال و قیل السلام اے برق بال جبرائیل