Tasbeeh Phiri Te Dil Nahi Phiriya

تسبیح پھری تے دل نہیں پھریا ، کیہ لینا تسبیح پھڑ کے ھو علم پڑھیا تے ادب نہ سکھیا،کیہ لینا علم نوں پڑھ کے ھو چلے کٹے تے کجھ نہ کھٹیا، کیہ لینا چلیاں وڑ کے ھو جاگ بناں ددھ جمدے ناہیں باہو، بھانویں لال ہوون کڑھ کڑھ کے ھو

دل دریا سمندروں ڈونگے کون دلاں دیاں جانے ھو وچے بیڑے وچے جھیڑے وچے وَنجھ موہانے ھو چوداں طبق دِلے دے اندر جتھے عشق تمباوانگ تانے ھو جو دل دا محرم ہووے باھو سواوہوای رب پچھانے ھو

بغداد شہردی کی اے نشانی اُچیاں لمیاں چیراں ھو تن من میرا پُرزے پُرزے جوں درزی دیاں لیراں ھو اینہاں لیراں دی گل کفنی پاکے رلساں سنگ فقیراں ھو بغداد شہردے ٹکڑے منگساں کرساں میراں میراں ھو

Never Be Without Your Favorite Lyrics - Get the App for Offline Access!

سُن فریاد پیراں دیا پیرا میری عرض سُنی کن دھرکے ھو بیڑا اَڑیا میرا وِچ کھپراں دے جتھے مچھ وی نہ بہندے ڈر کے ھو شاہِ جیلانی محبوب سبحانی میری خبر لیؤ جھٹ کر کے ھو پیر جنہاں دے میراں باھو اوہ ہی کنڈھی لگدے ترکے ھو