Zamane Mein Phela Hai Noor

زمانے میں پھیلا ہے نور آپؐ سے دلوں کو ملا ہے سرور آپؐ سے

اندھیرا کٹا آپؐ ہی کے طفیل سحر کا ہوا ہے ظہور آپؐ سے

سکوں آفریں آپؐ کا ذکر ہے منور ہے عقل و شعور آپؐ سے

No Internet? No Problem! Get the App for Offline Lyrics!

مجھے اہلِ دنیا نے ٹھکرا دیا جہاں میں ہوں میں پرغرور آپؐ سے

اسی سے ہوں میں سرفراز جہاں جو نسبت ہے مجھ کو حضور آپؐ سے

زمانہ بھی اس کو بھلا دیتا ہے جو دانستہ ہوتا ہے دور آپؐ سے

مجھے بھی مدینے بلا لیجۓ نہیں رہ سکوں گا میں دور آپؐ سے

جسے لوگ کہتے ہیں انور سدید وہ مانگے شفاعت حضور آپؐ سے