Yeh Naaz Yeh Andaz

یہ ناز یہ انداز ہمارے نہیں ہوتے جھولی میں اگر ٹکڑے ہمارے نہیں ہوتے

جب تک کہ مدینہ سے اشارے نہیں ہوتے روشن کبھی قسمت کے ستارے نہیں ہوتے

ہم جیسے نکموں کو گلے کون لگاتا سرکار اگر آپ ہمارے نہیں ہوتے

بے دام ہی بِک جاتے بازارِ نبی میں اس شان کے سودے خسارے نہیں ہوتے

ملتی نہ اگر بھیک ہمیں آپ کے در سے اس ٹھاٹھ سے منگتوں کے گزارے نہیں ہوتے

Get Lyrics On-The-Go! Download Our App Now!

خالؔد یہ تصدق ہے فقط نعت کا ورنہ محشر تیرے وارے نیارے نہیں ہوتے