Ya Khuda Jism Main Jab Tak Ke Meri Jan Rahe

یا خدا جسم میں جب تک کہ مری جان رہے تجھ پہ صدقے ترے محبوب پہ قربان رہے

دل وہی دل ہے کہ جس دل میں ترا دھیان رہے جان وہ جان ہے جس میں ترا ارمان رہے

کوئی محشر میں نہیں پوچھنے والا شاہا اس گنہگار سیاہ کار کا بھی دھیان رہے

More Lyrics, Less Storage - Install the App and Ditch the Screenshots!

نا اُمیدی سے بچانا مرے دل کو یارب وصل ممکن نہیں تو وصل کا ارمان رہے

میں ترے در کی گدا میں رہوں مستغنیٰ شان مجھ کو نہیں درکار مری آن رہے

ہم گناہ کرکے بھی شرمندہ نہیں کیا تھے وہ لوگ کہ گنہ بھی نہ کیا اور پشیمان رہے

کچھ رہے یا نہ رہے پر یہ دعا ہے کہ امیرؔ نزع کے وقت سلامت مرا ایمان رہے