Unki Rehmat Mili Jab Madine Gaya

ان کی رحمت ملی جب مدینے گیا میری قسمت کھلی جب مدینے گیا

چٹکی دل کی کلی جب مدینے گیا پھول سی بن گئی جب مدینے گیا

ان کی خوشبو سے راہیں مہکتی ہوئیں دیکھ لی ہر گلی جب مدینے گیا

حاضری ان کے در کی بڑی چیز ہے بات بگڑی بنی جب مدینے گیا

روح مردہ کو ان کے کرم سے ملی اک نئی زندگی جب مدینے گیا

شہرِ طیبہ کا کیا ہے جہاں میں مقام ہو گئی آگہی جب مدینے گیا

No Internet? No Problem! Get the App for Offline Lyrics!

سبز گنبد پہ پہنچی نظر تو مٹی دل کی پژمردگی جب مدینے گیا

ہر طرف ہی نظر آئی مجھ کو ریاضؔ نور کی چاندنی جب مدینے گیا