Tere Wargi Na Than Koi Pawaan

تیرے ورگی نہ تھاں کوئی پاواں میں واری واری جاواں نی مٹی اے مدینے دیۓ

تیرے کیوں نہ قصیدے میں گاواں نالے واری واری جاواں نی مٹی اے مدینے دیۓ

ربّ دے حبیب داگھر تیرے اُتے مَل مَل تینوں جسم دے اُتے میں اپنا آپ سجاواں نی مِٹی اے مدینے دیۓ

ہوون سارے دور رہنیرے وچ بہشتاں لاواں میں ڈیرے تیرے اندر جے میں سماواں نی مٹی اے مدینے دیۓ

عشق تیرے دا بدل وَریا بیڑا میری تقدیر دا تریا کراں رقص تے خوشیاں مناواں نی مٹی اے مدینے دیۓ

نوری تیرے چار چوفیرے لارکھدے نیں ہردم ڈیرے پیاں چمکن تیریاں تھاواں نی مٹی اے مدینے دیۓ

ہووے ریاضؔ دی حسرت پوری دور ہووے ہُن تیتھوں دُوری ڈیرا کوم میں تیرے لاواں نی مٹی اے مدینے دیۓ