Sukoon Paya Hai Bekasi Ne

سکون پایا ہے بیکسی میں حدودِ غم سے نکل گیا ہوں خیالِ حضرتﷺ جب آگیا تو گرتے گرتے سنبھل گیا ہوں

کبھی میں صبحِ ازل گیا ہوں کبھی میں شامِ ابد گیا ہوں تلاشِ جاناںﷺ میں کتنی منزل خدا ہی جانے نکل گیا ہوں

حرم کی تپتی ہوئی زمیں پر جگر بچھانے کی آرزو تھی بہارِ خلد بریں ملی تو بچا کے دامن نکل گیا ہوں

مِرے جنازے پہ رونے والو فریب میں ہو بغور دیکھو مرا نہیں ہوں غمؐ نبیﷺ میں لباسِ ہستی بدل گیا ہوں

یہ شان میری یہ میری قسمت خوشا محبت زہے عقیدت زباں پہ آتے ہی نامِ نامیﷺ ادب کے سانچے میں ڈھل گیا ہوں

بفیضِ حسان ابنِ ثابت برنگِ نعت نبی اکرمﷺ قمرؔ میں شعر و سخن کی لے میں ادب کے موتی اگل گیا ہوں