Shehar e Taiba Ke Sare Haseen Dil Ruba Kaif Parwar Nazaron Ki Kiya Baat Hai

شہرِ طیبہ کے سارے حسیں دلربا کیف پرور نظاروں کی کیا بات ہے سبز گنبد کو چومیں جو ہراک گھڑی اُن نورانی فواروں کی کیا بات ہے

Free Up Space - Get Lyrics Without Bulky Screenshots!

چلتے پھرتےجو دیداراُن کا کریں جھولی ہرلحظہ رحمت سے اپنی بھریں رات دن جو بھی آقا کی نعمتیں پڑھیں اُن نبی کے بیماروں کی کیا بات ہے

جن کی آ کر صفائی ملائک کریں شان میں جس کی سارے قصیدے پڑھیں غوث وابدال واوتاد جن میں پھریں ایسے نوری بازاروں کی کیا بات ہے

کوئی صدیق و فاروق و حیدر ہوا کوئی دو نوروں والا اے یارو ہوا ہر جگہ جن کا آقا تھا رہبرہوا میرے آقا کے یاروں کی کیا بات ہے

رات دن اُس جگہ پہ کھڑی ٹولیاں رحمتوں سے بھریں سب کی جھولیاں رات بھی دلربا اور دن دلربا اُس شہر کی بہاروں کی کیا بات ہے

محفلِ نعت میں جو تھیں نعتیں پڑھیں مصطفیٰ کے دیوانوں نے جو تھیں سنیں بولے آیا مزا جھوم کر پھرسنا تیرےثاقبؔ اشعاروں کی کیا بات ہے