Shaur Ishq Madine Ki Sar Zameen

شعور عشق مدینے کی سر زمیں سے ملا دوا بھی، درد بھی جو کچھ ملا یہیں سے ملا

ہے اتباعِ پیمبرؐ ہی اتباع خدا جو فیض ہم کو ملا ختمِ مرسلین سے ملا

ملا نہ ملتِ بیضا کو پھر زمانے میں جو رتبہ پیروی تاجدار دیں سے ملا

Never Be Without Your Favorite Lyrics - Get the App for Offline Access!

ہوۓ تھے جس کے طفیل ایک اپنے بیگانے وہ درسِ عدل و اخوت نہ پھر کہیں سے ملا

اگر ہے وجہ شرف کچھ تو آدمیت ہے یہ نکتہ آپؐ کی تلقینِ آخریں سے ملا

خدا نے آپ کہا ہے تجھے سراجِ منیر جہاں کو نورِ ہدایت تری جبیں سے ملا

ہزار بار بھی دی ہے درِ نبی پہ صدا مگر جواب نہ محشر، کبھی"نہیں" سے ملا