Shajar Hijar Tumhein

شجر حجر تمہیں جھک کر سلام کرتے ہیں یہ بے زبان تمہیں سے کلام کرتے ہیں

زمیں کو عرشِ معلیٰ ہے تیرا گنبدِ سبز تری گلی میں فرشتے قیام کرتے ہیں

مسافروں کو ترا در ہے منزلِ آخر یہیں سب اپنی مسافت تمام کرتے ہیں

Instant Access to Thousands of Lyrics - Tap to Install!

جنہیں جہاں میں کہیں بھی اماں نہیں ملتی وہ قافلے یہاں آکر قیام کرتے ہیں

نظر میں پھرتے ہیں تیرے دیار کے منظر اسی نواح میں ہم صبح و شام کرتے ہیں

سکونِ دل کی انہیں سے امید ہے ناصر جو اپنا فیض غریبوں پہ عام کرتے ہیں