Shafaton Ke Aflak Par

شفاعتوں کے فلک پر عجب سحاب کھلے زمیں نہال ہوئی رحمتوں کے باب کھلے

نصیب خلق ہوئی آفتاب علم کی دھوپ جمالِ حرف و معانی کے تازہ باب کھلے

مصافِ جنگ و جد ہو کہ شہرِ امن و اماں تری بلندی، کردار کے نصاب کھلے

Offline Lyrics Anytime, Anywhere - Download the App Today!

ترے جمال سے شرمندہ جلوۃ خورشید ترے حضور نہ احرام آفتاب کھلے

تو سائبان کی صورت محیط عالم پر کرن کرن کی ترے سامنے طناب کھلے

ہمارے نام کے آگے بھی حرفِ بخشش لکھ کہ سرفراز ہوں ہم جب تری کتاب کھلے

میں اس امید پہ کرتا ہوں نعت نذر حبیبؐ کہ میرے واسطے محسنؔ درِ ثواب کھلے